له ماشومانو د ملګرو ملتونو د ملاتړ صندوق یا یونیسف ویلي، د غزې ماشومان له کافي خوړو پرته اوږدې میاشتې تېروي او حتی د ژړا انرژي هم نلري.

د یاد بنسټ مدیر سي‌بي‌اس سره خبرو کې ویلي، یاده تړانګه کې د جګړې له پیله هره ورځ ۲۸ماشومان په شهادت رسیږي، چې د ښوونځي د نږدې ټول ټولګي سره برابر دي.

بل‌خوا بیا د غزې روغتیا وزارت په تازه خپور کړي راپور کې ویلي، یوازې یوه ورځ کې ۸تنه د لوږې او خوارځواکۍ له کبله شهیدان شوي.

یاد وزارت زیاته کړې، دې سره غزه کې د لوږې او خوارځواکۍ له کبله د شهیدانو شمېر ۲۸۹تنو ته پورته شو، چې ۱۱۵تنه یې ماشومان دي.

غزه کې د ۲۰۲۳ کال اکتوبر اوومې راهیسي د شهیدانو شمېر ۶۲زره ۶۸۶ او د ټپیانو شمېر بیا ۱۵۷زره ۹۵۱تنو ته ورسېد.

دا په داسې حال کې ده، چې صهونیستي رژیم د غزې بشپړ اشغال په موخه عملیات پیل کړي او تر دې مهاله یې د غزې په ۷۵سلنه خاوره ولکه ټینګه کړې.