اسرائیلو د یمن پر ولسمشر ماڼۍ او برېښنا سټېشنونو بریدونه کړي
اسرائیلي ځواکونو د یمن پلازمېنه صنعا کې پر ولسمشرۍ ماڼۍ او د برېښنا پر دوو سټېشنونو بریدونه کړي.
الجزیرې یمن کې د انصارالله رسنیو له قوله خبر کې ویلي، چې یادو بریدونو کې تر دې مهاله دوه تنه وژل شوي او پنځه نور ټپیان دي.
د اسرائیلو ځواکونو ادعا کړې، چې د یمن ولسمشرۍ ماڼۍ کې یې د حوثي ځواکونو په هغه مرکز برید کړی، چې وخت ناوخت پر دوی پرلپسې بریدونه کوي.
دغه بریدونه وروسته له هغې شوي، چې حوثي ځواکونو پر اسرائیلو توغندي وویشتل.
