د غزې روغتیا وزارت تازه خبر ورکړی، چې یاده تړانګه کې د تېرو ۲۴ ساعتونو راپدېخوا د اسرائیلو په پرلپسې بریدونو کې ۶۴تنه شهیدان او ۲۷۸تنه نور ټپیان شوي.

د یاد وزارت په راپور کې راغلي، چې ۲۴ساعتونو کې هغه مهال ۱۹تنه شهیدان او ۱۲۳نور ټپیان شول، چې د بشري مرستو د ترلاسه کولو په تمه وو.

دې سره غزه کې د ۲۰۲۳ کال اکتوبر اوومې راهیسي د شهیدانو شمېر ۶۲زره ۶۸۶ او د ټپیانو شمېر بیا ۱۵۷زره ۹۵۱تنو ته ورسېد.

دا په داسې حال کې ده، چې صهونیستي رژیم د غزې بشپړ اشغال په موخه عملیات پیل کړي او تر دې مهاله یې د غزې په ۷۵سلنه خاوره ولکه ټینګه کړې.