د شمالي کوریا دولتي رسنیو ویلي، دا نوي توغندي لوړې جګړه ییزې وړتیاوې لري او ځانګړې ټیکنالوژي پکې کاریدلې ده.

 د دغو نویو توغندیو په اړه ویل شوي چې د بې پيلوټه، کروز میزایل سربیره نور فضايي اهداف په اسانه نښه کولی شي.

 دا ازموینې وروسته له هغې شوي چې سویلي کوریا منلې چې د شمالي کوریا ۳۰ پوځیان په تیروتنه له غیر پوځي سیمې تیر شوي چې دوی یې په غبرګون د خبرداري ډزې کړي.

 له بل لوري د جنوبي کوریا او امریکا ترمنځ په لویه کچه ګډ پوځي تمرینات لا هم دوام لري، هغه چې شمالي کوریا یې د خپل امنیت لپاره ګواښ بولي.