مولوي ذبیح الله مجاهد: هېوادونه دې د افغانستان د بې ثباته ښودلو کوښښ نه کوي
د افغانستان اسلامي امارت ویاند مولوي ذبیح الله مجاهد د امنیت شورا کې د ځینو هېوادونو هغه تشویش بې ځایه بللی چې وايي، افغانستان کې خپلسرې ډلې شتون لري.
ښاغلي مجاهد تازه یو ځل بیا دغه ډول ادعاوې رد کړې او له جهتونو یې غوښتي، چې بې دلیله دې د افغانستان د بې ثباته ښودلو کوښښ نه کوي.
نوموړي نن په خپله اېکس پاڼه لیکلي، داسې هېڅ شواهد شتون نه لري چې ورته ادعاوې ثابتې کړي.
دا په داسې حال کې ده، چې امنیت شورا کې د پاکستان په ګډون چین او ځینو نورو هېوادونو افغانستان کې د ترهګرو ډلو د موجودیت په اړه اندېښنې ښودلې دي.
