وال سټریټ ژورنال د اسرائیلو پوځ احتیاطي سرتېرو له قوله راپور کې ویلي، که بیا وغوښتل شي غزې ته به ولاړ نه شي.

د اسرائیلو احتیاطي پوځیانو وروسته له هغې غزې ته له تګ انکار کړی، چې د اسرائیلو امنیتي کابینې د پوځ پر خلاف د غزې بشپړ اشغال په اړه د نتنیاهو پلان تصویب کړی.

تر دې پلان وروسته د اسرائیلو پوځ غزې کې د عملیاتو د پیل لپاره په چمتووالي پیل کړی.

بل‌خوا د غزې بشپړ اشغال په اړه د اسرائیلو دغې پرېکړې نړیوال غبرګونونه هم راپارولي دي.

قطر، سعودي عربستان، ملګرو ملتونو، بښنې نړېوال سازمان او ګڼو نورو هېوادونو او سازمانونو د اسرائیلو دغه پرېکړه ظالمانه، کرکجنه، د نړیوالو قوانینیو خلاف او ګواښوونکی عمل بللی او د سمدستي لغوه کېدو غوښتنه یې کړې.