غزه کې نور ۲۴ خونړي ساعتونه؛ ۷۳۱ کسانو ته مرګ ژوبله اوښتې
غزه کې په تېرو ۲۴ ساعتونو کې د امریکا په ملاتړ د اشغالګرو ځواکونو په ځمکنیو او هوایي بریدونو کې ۸۷ تنه شهیدان شوي.
د غزې رسنیو مرکز په خپل تازه راپور کې ویلي، دې موده کې ۶۴۴تنه نور ټپیان شوي هم دي.
د یاد مرکز په راپور کې دا هم راغلي، چې په تېرو ۲۴ساعتونو کې د لوږې او خوارځواکې له کبله ۸تنه شهیدان شوي، چې یو یې ماشوم او ۷ نور سپین ږیري دي.
په همدې ترتیب د لوږې او خوارځواکۍ له کبله د شهیدانو شمېر ۱۸۸ تنو ته پورته شو، چې ۹۴ یې ماشومان دي.
د یادونې ده، چې غزه کې د ۲۰۲۳ کال اکتوبر اومې راهیسي د اسرائیلو پرلپسې بریدونو له کبله ۶۱زره ۲۰ تنه شهیدان او ۱۵۰زره ۶۷۱تنه نور ټپیان شوي.
