غزه کې پلان شوی کمپ که زندان؟
د غزې جګړه چې له شاوخوا ۲۱ میاشتو راهیسې دوام لري له ۵۸ زرو د شهیدانو او له ۱۳۸ زرو د ټپیانو شمېر لوړ شو.
الجزیرې انګلیسي څانګې راپور کې ویلي، پر جګړې سربېره اسرائیل هڅه کوي د غزې رفح ښار کې د « انسان دوستۍ کمپ» جوړ او فلسطیني وګړي پکې را ټول کړي.
د اسرائیلو پخوانی لومړی وزیر ایهود اولمرت وايي، دا کمپ چې د اسرائیلي چارواکو له لوري طرحه شوی د غزې رفح ښار جوړیږي خو په حقیقت کې د زندان په معنا دی.
نوموړي ګارډین ورځپاڼې سره مرکې ویلي، « خواشینی یم، دا طرحه قومي تصفیه ده»
اولمرت ویلي، د انسان دوستۍ په نوم دا کمپ چې په لومړیو کې به ۶۰۰ زره فلسطیني وګړي پکې مېشت شي هدف یې د فلسطینیانو ژغورنه نه بلکې موخه یې شکنجه او له منځه وړل دي.
ګارډین په خپل راپور کې ویلي، دا پلان د اسرائیلو دفاع وزیر له لوري جوړ شوی خو کارپوهان وايي، دا پلان غزه کې د فلسطیني وګړو لپاره توقیف ځای دی.
د اسرائیلو دفاع وزیر یسرائیل کاټز د دې طرحې په اړه خبریالانو ته ویلي، دې کمپ ته له ننوتو وړاندې به فلسطیني وګړي له امنیتي معاینې تیریږي او یو ځل چې داخل شي نو د وتلو اجازه نه لري.
