د روغتیا نړېوال سازمان افغانستان سره د روغتیایي توکو مرستې کړې
د روغتیا نړېوال سازمان خبر ورکړی، چې د اروپایي اتحادیې په مرسته یې د هېواد ۳۴ ولایتونو کې روغتیایي مرکزونو ته ۱۹۴ قلمه طبي توکي وېشلي.
یاد سازمان وړاندې له دې ویلي و، اروپایي اتحادیې افغانستان کې د ښو روغتیایي خدمتونو وړاندې کولو په موخه د ۱۵۴ مټریک ټنه طبي توکو مرسته کړې.
دا په داسې حال کې ده، چې د روغتیا نړېوال سازمان ترڅنګ اسلامي امارت د هېواد هغو سیمو ته هم د روغتیایي خدمتونه رسولو هڅې کوي، چې تېرو دوو لسیزو کې په متوازن ډول له دغو خدماتو شاته پاتې وې.
