د غزې رسنیو مرکز د خبر له مخې دا برید نن سهار شوی چې له ۳۰ زیات شهیدان او څه باندې ۵۰ کسان په کې ټپیان شوي دي.

د غزې رسنیو مرکز د معلوماتو له مخې په شهیدانو کې ۲۰ ښځې دي.

بلخوا رویټرز د غزې چارواکو له قوله خبر ورکړی، چې تېره ورځ هم غزه کې د اشغالګرو په بریدونو کې ۷۲ تنه شهیدان شوي دي.

د جبالیا کمپ مېشتو ویلي، د اسرائیلو پوځیان د دې کمپ د کورونو او زېربناوو په تخریب لګیا دي.

د غزې روغتیا وزارت د مسئولینو له لوري د اعلان شویو شمېرو له مخې، چې د ۲۰۲۳ کال اکتوبر اوومې پر غزه د اشغالګر اسرائیلو دبریدونو له پیله تر دې دمه تر ۴۲ زرو زیات فلسطینان شهیدان شوي دي.