بدخشان شهر بزرګ ولسوالۍ کې واورې ښوېدو درې تنه مړه کړي
د بدخشان ولایت په شهر بزرګ ولسوالۍ کې د واورې ښوېدو له کبله درې تنو هېوادوالو ژوند له لاسه ورکړی دی.
د بدخشان ولایت امنیه قومندانۍ د رسنیو دفتر په یوه خبرپاڼه کې ویلي، د واورې ښوېدنې دغه پېښه د یاد ولایت شهر بزرګ ولسوالۍ شنګخواه کلي کې رامنځته شوې، چې په پایله کې یې د دې سیمي درې تنه ځوانان د خپلوانو له یوې جنازې څخه د بیرته راستنېدو پرمهال تر واورو لاندې شوي دي.
د خبرپاڼې له مخې د مړه شویو هېوادوالو جسدونه د سیمي خلکو او شهر بزرګ ولسوالۍ امنیه قومندانۍ منسوبینو په ګډه له واورو څخه را ایستلي دي.
