روان کال کې نږدې څلور زره موټرو ته ټرانسپورټي اسناد وېشل شوي
د ټرانسپورټ او هوايي چلند وزارت په یوه خبرپاڼه کې ویلي، چې د کابل عامه ښاري ټرانسپورټ تنظیم ریاست له لورې په روان ۱۴۰۲ ل کال کې ۳ زره ۸۰۰ ښاري بسونو او ټکسي موټرو ته برېښنايي کارت او ټرانسپورټي کتابچې وېشل شوې دي.
د یاد ریاست د مسئولینو په خبره د اسنادو ویش پروسه په نور مال ډول دوام لري او هره ورځ په منځني ډول ۸۰ موټرو ته ټرانسپورټي اسناد وېشل کېږي.
