تر هر وخت زیات مهم، عراقچي مسکو ته ځي
ټاکل شوې د ایران بهرنیو چارو وزیر سید عباس عراقچي راتلونکې دوشنبه د روسیې ولسمشر ولادیمیر پوتین سره په مسکو کې وویني.
دغه خبر وروسته له هغې نړېوالو رسنیو خپور کړی، چې د ایران بهرنیو چارو وزیر جینوا کې د اروپايي هېوادونو له استازو سره وکتل.
اکسیوس او انډپنډینټ رسنیو د عراقچي د سفر خبر ورکړی، خو په دې اړه یې نور جزیات نه دي ورکړي.
مسکو ته د ایراني چارواکي سفر داسې مهال خپور شوی، چې د ایران اټومي پروګرام په اړه د امریکا او ایران د غیرمستقیمو خبرو اترو پنځم پړاو اوږدو کې اسرائیلو پر ایران خاوره بریدونه وکړل.
عراقچي په ایران خاوره د اسرائیلو بریدونو ته په اشارې ویلي، امریکا شاید مذاکراتو ته لېوالتیا نه درلوده او د اسرائیلو بریدونو لپاره یې خبرې اترې د یوې وسیلې په توګه پر مخ بیولې.
