مالیې وزارت حریت نیوز ته په استول شوې خبرپاڼه کې ویلي، دغه غونډه، چې د دغه وزارت پالیسۍ معینیت د عامه پانګوني ریاست د پروژو د ارزونې کمېټې له لوري ترسره شوې پکي د بودیجوي واحدونو د پرمختيايي پروژو په اړه بحث او د نظرونو تبادله شوې ده.

خبرپاڼه کې راغلي، چي یادې کمېټې ته د وړاندې شوو ۱۱۴پروژو له ډلي يې ۲۶ تائید او پاته نوري یې راتلونکې غونډي ته ځنډول شوې؛ ترڅو یې په اړه کافي معلومات راټول او وڅېړل شي.

د سرچینې په خبره، چې د بودیجوي واحدونو ټولې نوې پراختيايي پروژې لومړيتوبونو ته په کتو له پانګونې وړاندې د ارزوني کمېټې لخوا ارزول کېږي او د لومړیتوب ورکونې او ټاکنې پروسه یې ترسره کېږي.