۷۲۰ زره لېټره بې کیفیته مایع غوړي یې کشف او نیولي دي
د خوړو او درملو ملي ادارې په خپله ایکس پاڼه د یوې ویډیو په خپرولو سره ویلي، چې دغه اندازه غوړي په ۹ ټانکرونو کې د بلخ ولایت په یوه سرای کې نیول شوي دي.
د دې ادارې د معلوماتو له مخې دغه غوړي د خوړو د خوندیتوب په خلاف د تېلو په ټانکرونو کې ساتل کېدل.
د دې ادارې متخصصین زیاتوي، چې مایع غوړي باید په ځانګړو او مخصوصو المونیمي ټانکرو کې وساتل شي.
دا په داسې حال کې ده چې د خوړو او درملو ملي ادارې د غذایي موادو د کیفیت کنټرول لپاره د هېواد په بیلابیلو ګمرکونو او بازارونو کې خپل څارنه زیاته کړې ده.
