اسلامي امارت غزه کې د خبریالانو په نښه کېدل په کلکو ټکو غندلي
د افغانستان اسلامي امارت د صهیونیستي رژیم له لوري غزه کې د وروستیو بریدونو له امله چې پنځه خبریالان یې په شهادت رسولي ورته ډول بریدونه په کلکو ټکو غندلي.
د اسلامي امارت مرستیال ویاند په دې تړاو ویلي، اسلامي امارت یو ځل بیا د فلسطین د مسلمانانو روانه نسل وژنه او صهیونیستي رژیم وحشاینه یرغل غندي.
نوموړي ویلي، د خبريالانو وژنه يو ستر جنايت او د بيان د ازادۍ د مدعيانو پر لمن تور داغ دی.
دا په داسې حال کې ده، چې اشغالګرو اسرائیلو په ننیو بریدونو کې پنځه خبریالان شهیدان کړي، چې دې سره غزه کې د وژل شویو خبریالانو شمېر تر ۲۵۰ تنو واوښت.
