کورنیو چارو وزیر: د افغانستان او جاپان اړیکې نه پرې کېدونکې دي
د کورنیو چارو وزیر خلیفه سراجالدین حقاني د جاپان له سفیر تاکویوشي کورمایا سره په کابل کې لیدلي.
کورنیو چارو وزارت وايي، دغه لیدنه چې د تاکویوشي د ماموریت د ختمېدو له امله تر سره شوه، کورنیو چارو وزیر د هغه د ماموریت پر مهال ډیپلوماټیک خدمت او د دواړو هېوادونو تر منځ د تعامل په لا ښه کولو کې د هڅو ستاینه وکړه.
کورنیو چارو وزیر د جاپان او افغانستان ښو اړیکو ته په اشارې ویلي، د کابل او توکیو اړیکې ډېرې پخوانۍ دي او همېشه د دواړو هېوادونو تر منځ روغ تعامل حاکم پاتې شوی دی.
ناسته کې جاپاني ډیپلومات ویلي، جاپان به د ملګرو ملتونو په چوکاټ کې د بدیل معیشت، د مخدره موادو پر وړاندې مبارزې او د روږدو کسانو د درملنې په برخو کې خپلو مرستو ته دوام ورکړي.
