افغان او پاکستاني ډيپلوماتانو لیدنه کړې
د افغانستان لپاره د پاکستان ځانګړي استازي محمد صادق خان په اسلام اباد کې له افغان سفیر سردار احمد شکیب سره کتنه کې د افغانستان او پاکستان په اړه خبرې کړې دي.
صادق په اېکس پاڼه له نورو جزیاتو پرته ویلي، دواړو لوریو د افغانستان او پاکستان په دوه اړخیزو اړیکو او وروستیو پرمختګونو غږېدلي.
افغان چارواکو په وار وار ویلي، چې اسلامي امارت له ټولو هېوادونو په ځانګړې توګه ګاونډیو سره د نېکو اړیکو غوښتونکی دی او ټینګار یې کړی، چې ننګونې دې په حسن نیت، تفاهم، همکارۍ او ښه ګاونډیتوب حل شي.
