مسکو کې د افغانستان سفارت مستشار حافظ عبدالله یار په مشرۍ یو پلاوی د افغان زندانیانو د وضعیت څېړنې په موخه بلاروس جمهوریت ته تللی.

د سفارت په خبرپاڼه کې راغلي، افغان پلاوي هلته د توقیف شویو افغانانو ستونزو ته د رسېدنې په موخه د بیلاروس له یو شمېر چارواکو سره کتنې هم کړې دي.

خبرپاڼې کې همداراز راغلي، کتنه کې د زنداني شویو افغانانو د ستونزو حل په ځانګړې توګه هیواد ته یې د لېږد په اړه هر اړخیزې خبرې شوې دي.

دا په داسې حال کې ده، چې د اسلامي امارت یو پلاوی تازه سویس ته هم تللی او هلته یې مېشتو افغانانو ته د قونسلي خدماتو د پیل په اړه د یاد هېواد بهرنیو چارو وزارت له مسئولینو سره کتلي دي.