د بهرنیو چارو وزارت سرچېنې حریت راډیو ته ویلي، چې د اسلامي امارت پلاوي څو ورځې وړاندې سویس ته سفر کړی او هلته یې د یاد هېواد بهرنیو چارو وزارت او نورو اړوند ارګانونو له مسئولینو سره کتلي.

د سرچینې په خبره، افغان پلاوي د دې سفر پر مهال سویس کې مېشتو افغانانو ته د قونسلي خدماتو د پیل ترڅنګ په بېلابېلو سیاسي موضوعاتو هم خبرې کړې دي.

سرچېنې زیاته کړې، چې خبرې اترې به دوام وکړي څو هلته مېشتو افغان وګړو ته په پوره روڼتیا قونسلي خدمتونه پیل شي.

د یادونې ده، چې څه موده وړاندې اسلامي امارت المان کې هم هلته مېشتو افغانانو ته قونسلي خدمات پیل کړل.