د ایران سپاه پاسداران خبر ورکړی، چې د لومړي ځل لپاره یې پر اسرائیلو خپل پرمختللي خیبر توغندي توغولي.

سپاه پاسداران پورې تړلي فارس خبرې اژانس د یادو توغندیو د توغول کېدو د ویډیو په خپرولو سره ویلي، دغه توغندي په لومړي ځل په اشغالي سیمو توغول کیږي.

ویل کیږي بن ګوریون هوایي ډګر، صهیونیستي رژیم بیولوژیکي څېړنو مرکز او  د کنټرول څو مهم پوځي مرکزونه د دغو بریدونو موخه وو.

یاد اژانس په خپل راپور کې ویلي، د وعده صادق۳ عملیاتو شلمه څپه کې په توغندیو سربېره له بې پیلوټه الوتکو  هم ګټه اخېستل شوې او په بریالیتوب سره په خپلو اهدافو لګېدلي.

تر دې وړاندې د اسرائیلو ۱۲ چینل ویلي و، د ایران توغندي پرته له دې چې د دفاعي سیسټم له غبرګون سره مخ شي په خپلو اهدافو لګېدلي.