د سمنګان ولایت امنیه قومندانۍ وایي، چې د تروریزم پر وړاندې د مبارزې ځواکونو په تېرو درېیو میاشتو کې د بېلابېلو عملیاتو پر مهال په سلګونو میله بېلابېل ډوله وسلې او په زرګونو فیره مرمۍ نیولې دي.

د سمنګان ولایت د تروریزم امر ملا شکرالله فیضاني ویلې، چې په دې موده کې یې ۲۸میله وسلې، ۹ زره او ۴ سوه فيره د کلاشینکوف مرمۍ، ۴۲۰۰ د پیکا مرمۍ او ۱۶۰ د دهشکې مرمۍ یې له پخوانیو نظامیانو او غیرمسؤله وسله والو څخه نیولې، چې له دې ډلې یې ۱۹میله اسلحې په رسمي ډول د ډایاک پروګرام ته سپارل شوې دي.

بلخوا د کندهار ولایت مقام رسنیو دفتر هم خبر ورکړی، چې د ۲۰۵ الدبر قول اردو اړوند د درېیمې سرحدي لوا د کشف امریت منسوبینو د سپین بولدک ولسوالۍ زیارت شیلي سیمه کې رزګونه فیره مرمۍ نیولې دي.

په دغو مرمیو کي ۴۹۷۲ د سقیل او ۶۹ د کلاشینکوف شاملې دي.

د یادونې وړ ده، چې په دې وروستیو کې د امنیتي ځواکونو له لوري په بېلابېلو ولایتونو کې د عملیاتو پر مهال په سلګونو میله سپکې او درنې وسلې نیول شوې دي.