د لمریزې برېښنا د تولید د درېیو پروژو تړونونه لاسلیک شول
دا تړونونه نن کابل کې د اوبو او برېښنا وزارت او عوفي بهرام شرکت ترمنځ د ۲۵ میلیونه ډالرو په ارزښت لاسلیک شول.
د اوبو او انرژۍ وزیر ملا عبداللطیف منصور د دې تړونونو د لاسلیک پرمهال ویلي، دغه پروژې به په فراه، روزګان او پکتیکا ولایتونو کې پلي کېږي.
ښاغلي منصور ویلي، چې عالیقدر امیرالمؤمنین د ۲۵۰ میګاواټه برېښنا د تولید حکم ورکړی چې دایې پیل دی.
د اوبو او برېښنا وزیر ډاډ ورکړ، چې ډېر ژر به کابل کې هم د ۱۰۰میګاواټه لمریزې برېښنا د تولید پروژه پلي کړي.
