سبا افغانستان د نړېوال جام نیمه پای لوبه کې
دا د افغانستان کرکټ په تاریخ کې لومړی ځل دی، چې نیمه پای لوبې ته لار پیدا کوي او د څلورو غوره ټېمونو په کتار کې خپل نوم ثبت کوي.
افغان ملي لوبډله به سبا پنجشنبه د کابل په سیمه ییز وخت سهار پنځه بجې د سویلي افریقا سره مخامخ شي.
افغان ملي ټیم د ۲۰۲۴ نړېوال شل اوریز جام د سیالیو په لړۍ کې تر دې دمه اوه لوبې کړې، چې پنځه یې ګټلې دي.
افغانستان د نیوزیلنډ، پاپوا نیو ګینه، یوګانډآ، اسټرالیا او بنګله دېش ته په ماتې ورکولو سره نیمه پای لوبې ته لار وموندله.
نیمه پای لوبې ته د افغانستان په ګډون، سویلي افریقا، هندوستان او انګلستان لوبډلې وتلي دي.
