د چارو ادارې لوی رئیس شیخ نورالحق انور په مشرۍ د غزني، زابل او پکتیکا ولایتونو د سرحدي پولو د ستونزې هواري په موخه غونډه شوې.
چارو ادارې ریاست ویلي، چې دا غونډه د کابينې د پرېکړې د تطبيق په موخه نن سه شنبه ترسره شوه.

د چارو ادارې رئیس دې غونډه کې ویلي، چې تر دې وړاندې د ژبې، قوم او سمت په نومونو باندې د افغانانو د وېشل کېدو او اختلافاتو هڅې کېدې، خو اسلامي امارت د ولسونو ترمنځ د يووالي او ستونزو د هوارۍ اراده لري او په دې برخه کې عملي ګامونه اخلي.

ښاغلي رئیس زیاته کړې، چې اسلامي امارت د هېواد ټولو قومونو ته په يو نظر ګوري، ټول ولس خپل وروڼه ګڼي او د خلکو غوښتنو ته ترجيح ورکوي،  ترڅو يووالی رامنځته او ټول افغانان په ګډه هېواد ته کار وکړي.

چارو ادارې ریاست پر اېکس خواله رسنۍ لیکلي، چې غونډه کې د يادې موضوع د اساسي حل په اړه پرېکړه وشوه، چې د زابل او کندهار ولايتونو استازو سره هم غونډه وشي او له هغې وروسته به ياده موضوع د وروستۍ پرېکړې لپاره د کابينې غونډې ته وړاندې شي.

د یادونې ده، چې د دغو درېیو دوو ولایتونو د پولو او سرحدي وېش د ټاکلو او معلومولو  لپاره د تېرو پنځو کلونو راهیسې په لوړه کچه ځانګړې کمېټې او کمېسیونونه تشکېل شوي، چې تر اوسه یې لا هم چارې پای ته نه دي رسولې، چې پولې مشخصې کړي.