ګاونډیو هېوادونو کې د افغان کډوالو د ستونزو پر حل خبرې وشوې
د ریاست الوزراء د سیاسي مرستیال مولوي عبدالکبیر په مشرۍ د سیاسي کمېسیون غونډه کې د افغانستان پر وروستي وضعیت او په ګاونډیو هېوادونو کې د افغان کډوالو د ستونزو د حل پر لارو چارو خبرې شوې.
په دې غونډه کې د دوه اړخیزو اړیکو د پیاوړتیا په موخه، بهرنیو هېوادونو ته د اسلامي امارت او کابل ته دبهرنیو چارواکو د سفرونو او پرمختګونو د ارزونې ترڅنګ د یو شمېر مهمو موضوعاتو په اړه لازم تصمیمونه ونیول شول.
