کراچۍ کې د افغان سوداګرو بند پاتې سوداګریز مالونه ازادېږي
اسلام اباد کې د افغانستان سفارت خبر ورکړی، چې نن د لوړ پوړو افغاني او پاکستاني چارواکو ناسته کې هوکړه وشوه، چې کراچۍ بندر کې د افغان سوداګرو بند پاتې مالونه ژر تر ژره ازاد شي.
د افغانستان سفارت پر اېکس خواله رسنۍ لیکلي، چې نن د افغانستان صنعت او سوداګرۍ وزیر نورالدین عزیزي په مشرۍ افغان پلاوي له پاکستاني لوري سره دوه اړخیزه ناسته کړې، چې د پاکستان بهرنیو چارو او سوداګرۍ وزیرانو په کې ګډون درلود.
