پروان کې یوه اندازه نظامي مهمات کشف او ترلاسه شوي
د پروان ولایت مقام ویاند په دغه ولایت کې د یوه اندازه نظامي مهماتو د نیولو خبر ورکوي.
د پروان ولایت مقام ویاند حکمت الله شمیم پر خپله اېکس پاڼه ویلي، چې د دې ولایت د دوهمې پلې لواء ځواکونو د سیدخېلو ولسوالۍ ناصرخېلو کلي کې د یو کشفي راپور له مخې یوه اندازه بېلابېل ډوله نظامي مهمات کشف او ترلاسه کړي دي.
د شمیم په خبره، چې نیول شوو مهماتو کې یوه اېم څلوېښت پیکا، یوه اندازه د اېم څلوېښت (M40) مرمۍ ١١ د راکېټ مرمۍ او ۳ زرهي چانټې شاملې دي.
خبر کې زیاته شوې، چې نیول شوي نظامي توکي په یاده ولسوالۍ کې په غیر قانونی ډول یو کور کې ساتل کېدل.
