د افغانستان اسلامي امارت مشرتابه امیرالمؤمنین د کوچني اختر په مناسبت وینا کې ویلي، د افغانستان دښمنان هڅه کوي، چې دا هېواد یو ځل بیا د جګړې په میدان بدل او خلک له حکومته جلا کړي.

امیرالمؤمین په خپله نږدې ۵۳دقیقې وینا کې ویلي، افغانان باید د اشغال پر وړاندې د مبارزې په څېر اوس د اسلامي نظام د ساتنې لپاره مبازره وکړي.

نوموړي غزه کې د اشغالګر رژیم له لوري روان وحشت او ظلم ته په اشارې وویل، غزه کې جګړه د مسلمانانو د بې اتفاقۍ پایله ده او او لا هم هڅې روانې دي، چې نور هم مسلمانان په ډلو ټپلو ووېشل شي.

د اسلامي امارت مشرتابه د مسلمانانو ترمنځ په اتحاد ټینګار وکړ، چې باید له روان وضعیت څخه عبرت واخلي.

امیرالمومنین همداراز ډاډ ورکړ، چې د شریعت مطابق به د افغانستان د اړتیاوو پوره کولو لپاره قوانین جوړ او توشیح کړي.