د ملګرو ملتو له لوري پر ا.ا د بندیزونو دوام د هیڅ لوري په ګټه نه دي
د افغانستان اسلامي امارت د ملګرو ملتونو له لوري پر اسلامي امارت د بندیزو د دوام پرېکړه غندلې او هغه یې د هیڅ لوري په ګټه نه ده بللې.
د اسلامي امارت مرستیال ویاند ملا حمدالله فطرت ویلي، پخوا هم د فشار په توګه د بندیزونو لګولو کومه پایله نه ده ورکړې، بلکی زیان یې یوازې عامو افغانانو ته رسېږي.
ښاغلي فطرت د ملګرو ملتونو له لوري د بندیزونو دوام منطقې کړنه نه بولي او دا چاره د بشر حقونو له داعیې سره په ټکر کې بولي.
نوموړي زیاته کړې، چې اسلامي امارت غواړي له ټولو لوریو سره اړیکې عادي کړي.
دا په داسې حال کې ده، چې د ملګرو ملتونو امنیت شورا د افغانستان په اړه خپله وروستۍ ناسته کې پر اسلامي امارت د بندیزونو موده ۱۴میاشتې نوره هم غځولې.
