۲۱۵ عزم قول اردو کې ۱۶ عرادې پوځي وسایط بیا رغول شوي
ملي دفاع وزارت خبر ورکوي، چې د ۲۱۵ عزم قول اردو د دویمې پلې لوا د تخنیک انجینرانو له لوري ۱۶ عرادې بیلابیل ډوله پوځي وسایط بیا ترمیم او ګټې اخیستنې ته چمتو شوي.
د یاد وزارت د خبرپاڼې له مخې په دې وسایطو کې ۱۰ عرادې هاموې ټانګونه، ۳ عرادې انټرنیشنل باري وسایط او درې عرادې امبولانس موټر شامل دي، چې د ۲۱۵ عزم قول اردو د هلمند ولایت د دويمې پلې لوا په ورکشاپونو کې بیارغول شوي او ګټې اخیستنې چمتو شول.
د یادونې وړ ده، چې له دې وړاندې هم د ملي دفاع وزارت اړوند په بیلابیلو قول اردوګانو کې په زرګونو له تیرې ادارې پاتې تخریب شوي پوځي وسایط بیا جوړ او ګټې اخیستنې ته چمتو شوي.
