تېرو څو ورځو کې نږدې ۴زره کډوال هېواد ته راستانه شوي
د کډوالو او بیرته راستنېدونکو چارو وزارت وایي، په تېرو درېیو ورځو کې نږدې ۴ زره افغان کډوال له ایران او پاکستان څخه په خپله خوښه او جبر هېواد ته راستانه شوي دي.
یاد وزارت زیاته کړې، ۲زره ۵۲۲ تنه کډوال د تېري پنجشنبې په ورځ د هرات اسلام کلا له لارې هېواد ته راستانه شوي دي.
د دغې وزارت د معلوماتو له مخې چې ۱۲۴۳ تنه کډوال په تېرو دوو ورځو کې د تورخم او سپین بولدک له لارې هېواد ته راستانه شوي دي.
دا په داسې حال کې ده، چې له ایران او پاکستان څخه د کډوالو د دویمې جوپې تر پیل وروسته د اسلامی امارت مسئولینو په دې برخه کې د پوره چمتووالي خبر وکړی دی.
