د ریاست الوزراء اقتصادي مرستیال ملاعبدالغني برادر اخوند د عزیزي انرژي ګروپ شرکت عمومي رئیس میرویس عزیزي او تخنیکي ټیم سره کتلي.

اقتصاد معاونیت خبر ورکړی ښاغلي عزیزي ویلي، د هوکړې تر لاسلیک وروسته یې تخنیکي ټیم د اړوند وزارتونو له ټیمونو سره یوځای بغلان، بلخ، جوزجان، هرات او بامیانو ولایتونو ته استولی او د دوو اونیو په جریان کې یې د یوشمېر پروژو لومړنۍ سروې ترسره او تخنیکي معلومات راټول کړي.

نوموړي ویلي، د لس‌زره میګاواټه برېښنا تولید پروژه یې په دریو فازونو وېشلې لومړی فاز چې ۴زره میګاواټه برېښنا تولید ظرفیت لري عملي چارې به یې ژر پیل شي.

بل‌خوا د ملا برادر اخوند د لارښوونې په اساس د اړوند وزارتونو، ادارو او عزیزي شرکت له استازو سره ګډه کمېټه جوړه او ورته دنده سپارل شوې، څو د لس‌زره میګاواټه برېښنا تولید پروژې کارونو تعقیب او څارنه وکړي.