لغمان کې ۳۸۳ ټولګټې پروژې پلې شوې

لغمان کې ۳۸۳ ټولګټې پروژې پلې شوې بیارغونه او پراختیا
لغمان د بیارغونې پلي شوې پروژې

د لغمان مسؤلینو د اسلامي امارت له بیا واکمنېدو راهیسې په دې ولایت کې د ۳۸۳ ټولګټو پروژو خبر ورکړی دی.

د یاد ولایت د اقتصاد رئیس مولوي جان محمد حامد ویلي، په تېرو څلورو کلونو کې د اسلامي امارت او همکارو مؤسسو په مرسته یادې سلګونه لویې او وړې پروژې پلې شوې او دې کار زرګونو ځوانانو ته کاري فرصتونه برابر کړي.

د نوموړي په وینا، د همکارو مؤسسو لخوا ۳۳۰ پروژې د ۸۸ میلیونه ډالرو په لګښت او ۵۳ پروژې د ۵۸۸ میلیونه افغانیو په لګښت د اسلامي امارت په مالي ملاتړ پلې شوي.

هغه وايي، په تطبیق شویو پروژو کې کانالونه، سربندونه، د سړکونو بیا رغونه، د اوبو رسولو شبکې، د ښوونځيو بیا رغونه، برېښنایي شبکې، استنادي دېوالونه، سولري سیستم او نورې پروژې شاملې دي.

یاده دې وي، چې افغان حکومت د افغانانو لومړیتوبونو ته په کتو په ټولو ولایتونو کې عام المنفعه پروژې پلې کړي دي چې له امله یې ګڼو کسانو ته د کار او ژوند اسانتیاوې برابرې شوې دي.

تړلي موضوعات