کرېکټ بورډ د اسیا جام سیالیو لپاره لوبډله اعلان کړه
د افغانستان کرېکټ بورډ د روان ۲۰۲۵ کال د شل اوریز اسیا جام سیالیو لپاره د ۲۰ کسیزه لوبډلې نوملړ اعلان کړی.
کرېکټ بورډ په اېکس لیکلي، یاده لوبډله کې ۱۷ لوبغاړو ته په عمومي او ۳ لوبغاړو ته په احتیاطي نوملړ کې ځای ورکړی دی.
افغان لوبډله دا مهال د اسیا جام سیالیو د چمتووالي په موخه متحده عربي اماراتو کې په تمریناتو بوخته ده.
ټاکل شوې د شل اوریز اسیا جام سیالۍ به د را روانې سپټمبر له ۹مې تر ۲۸مې نېټې د متحده عربي امارتو په کوربتوب ترسره شي.
