اسوشتېد پرېس خبري اژانس وايي، پاکستان کې سېلابونو ګڼ کورونه ویجاړ کړي او لږ تر لږه ۲۲۰ تنه مړه شوي.

پاکستاني چارواکو نن شنبه ویلي، د دې هېواد په خیبر پښتونخوا کې سخت سېلابونه را وتلي او ژغورونکي ټیمونه لا هم د نورو سېلاب وړیو په لټه کې دي.

د پاکستان بېړنیو خدماتو ادارې ویاند محمد سهیل رسنیو ته ویلي، دغه سېلابونه تېره ورځ جمعه د خیبر پښتونخوا په بونر غرنیزه سیمه کې راوتلي دي.

پاکستاني چارواکو ویلي، راوتلو سېلابونو لسګونه کورونه وړي او خلکو ته یې درانه مالي زیانونه هم اړولي.

په دې وروستیو کې د طبیعي پېښو له امله سلګونه پاکستانيان مړه شوي عام خلک یې د حکومت له لوري د بېړنیو مرستو د نه رسېدو له امله په واکمنو چارواکو نیوکې کوي.