تورخم کې ځایي سرچینو حریت راډیو ته ویلي، تېره شپه شاوخوا ۱۰بجې یو ځل بیا د افغان ځواکونو او پاکستاني ملېشو ترمنځ نښته شوې، چې دواړو لوریو پر یو بل د سپکو او درنو وسلو ګذارونه کړي دي.

د سرچینې په خبره، دا نښته پاکستاني لوري پیل کړې، چې د افغان ځواکونو په ځوابي برید کې د پاکستان ملېشو ځیني مهمې پوستې په نښه شوې، چې درانه مالي او ځاني زیانونه یې ور اړولي دي.

وړمه شپه هم تورخم کې د دواړو لوریو ترمنځ نښته رامنځته شوې وه.

دغه نښتې داسې مهال شوې، چې افغان ځواکونه د ډیورڼد فرضي کرښې ته څېرمه د پوځي تاسیساتو په جوړلو بوخت دي، چې پاکستانی لوری پرې بزدلانه بریدونه کوي او د تاسیساتو د جوړېدو مخنیوی کوي.

د تورخم دروازه نن ۱۲مه ورځ ده، چې د هر ډول تګ راتګ پر مخ تړلې ده.