هرات کې د زراعتي تخمونو تولیدي کارخونه پرانیستل شوه
د هرات ولایت مقام دفتر د خبر پاڼې له مخې، دغه ولایت کې د اصلاح شویو تخمونو یوه کارخونه چې یو میلیون ډالر لګښت پرې راغلی پرانېستل شوه.
خبر پاڼه کې د یادې کارخونې د مسئولینو په حواله راغلي، چې دغه کارخونه هر ساعت د پنځه ټنه تخمونو د تولید وړتیا لري چې موخه یې د زراعتي تولیداتو او کیفیت زیاتوالی دی.
دمګړۍ افغانستان کې د زراعتي تخمونو د تولید ۲۵ کارخونې فعالیت لري، چې دا په هېواد کې د کرنې میکانیزه کولو برخه کې اغېزمن بلل کیږي.
