د بندیانو څلورمه تبادله؛ ۳ اسرائیلیان او ۹۰ فلسطینیان تبادله کېږي
حماس جهادي غورځنګ اسرائیلو سره د بندیانو د تبادلې پر دوام نن شنبه درې اسرائيلي زندانیان خوشي کوي.
اسوشیټېډ پرېس خبر ورکړی، چې په خوشې کېدونکو درېیو بندیانو کې یو فرانسوي او یو هم امریکایي وګړی شامل دي.
د دې تبادلې په صورت کې به اسرائیل ۹۰ تنه فلسطینیان ازاد کړي.
دا په غزه کې د اوربند له پیله تر اوسه د بندیانو څلورمه تبادله ده چې ترسره کېږي.
د راپورونو له مخې تېرو درېیو تبادلو کې حماس جهادي غورځنګ ۱۵ اسرائيلي زندانیان ازاد کړي او په بدل کې یې اسرائیلو بیا ۴۰۰ فلسطیني بندیان خوشي کړي دي.
