پاکستان کې د افغانستان سفیر عربستاني سیال سره په دوه اړخیزو اړیکو خبرې کړې
پاکستان کې د افغانستان سفیر سردار احمد شکېب اسلام اباد کې د سعودي عربستان سفیر مشعل مطلق الشمري سره کتلي دي.
پاکستان کې د افغانستان سفارت په خپله اېکس پاڼه لیکلي، دې کتنه کې دواړو لوریو د دوه اړخیزو اړیکو پر پراختیا، افغان وګړو لپاره د وېزو پروسې ساده کولو، متقابلو اندېښنو او نورو مسایلو رغنده خبرې اترې کړې دي.
د یادونې ده، چې اسلام اباد کې د افغانستان سفیر وخت ناوخت د بېلابېلو هېوادونو سفیرانو سره کتنه کې د دوه اړخیزو اړیکو او د افغانستان اړوند نورو مسایلو خبرې اترې کوي.
