ایران د افغانستان لپاره نوی سفیر ټاکلی دی
ایراني رسنیو د ایران د بهرنیو چارو وزیر سید عباس عراقچي د حکم له مخې ویلي، تهران د کابل لپاره نوی سفیر ګمارلی دی.
د ایران مهر خبري اژانس راپور ورکړی چې علي رضا بیګدلي د حسن کاظمي قُمي پر ځای په کابل کې د ایران د نوی سفیر په توګه ټاکل شوی دی.
سرچینې همداراز ویلي، ایران جمهوري ریاست د افغانستان لپاره د ځانګړي استازي پوست لغوه کړی او دا چاره بهرنیو چارو وزارت تر څار لاندې پرمخ وړل کیږي.
