کابل کې د ګازو شرکت اورلګېدنې د مهار هڅې روانې دي
نن ماښام د کابل ولایت پغمان ولسوالۍ قلعه حیدرخان سیمه کې د ګازو یوه شرکت کې پراخه اورلګېدنه رامنځته شوې ده.
د کابل امنیه قومندانۍ ویاند خالد ځدراڼ وايي، چې اور وژونکی ټیم سیمې ته رسېدلی او هڅه کوي اور ژر تر ژره مهار کړي.
خالد ځدراڼ د دې پېښې په اړه نور جزیات نه دي ورکړي، خو خپرو شویو ویډيوګانې کې ښکاري چې اورلګېدنه شدیده او پراخه ده.
