شیخ نعیم قاسم د حزب الله ډلې مشر ټاکل شوی
الجزیرې تلوېزیون خبر ورکړی، چې د حزب الله ډلې شورا د خپلو اصولو سره سم محمد نعیم قاسم د عمومي منشي یا مشر په توګه ټاکلی.
۷۱ کلن قاسم له ۱۹۹۱ کال راهېسې د عمومي منشي مرستیال په توګه دنده ترسره کړې ده.
المیادین رسنۍ د حزب الله اوسني عمومي منشي له قوله ویلي، د خپلو لارویانو قربانۍ او سرښندنو ته په کتو غواړو خپلو موخو ته د رسېدو لپاره د ژوند تر پایه په ګډه کار وکړو.
دا په داسې حال کې ده، چې د حزب الله ډلې مشر سید حسن نصرالله د بیروت په جنوبي ښارګوټي کې د صهیونستي رژیم له لوري د سپتمبر په ۲۷ مه په هدفي برید کې ووژل شو.
