د بحرین او روسیې یو شمیر پانګوالو د افغانستان هوایي چلند امنیت په برخه کې پانګونې ته لیوالتیا ښودلې ده.

دغه پانګوالو د ریاست الوزراء سیاسي مرستیال مولوي عبدالکبیر سره کتنه کې ویلي، د هوایي چلند د امنیت سربېره د کانونو استخراج او روغتیایي برخو کې هم پانګونې ته چمتو دي.

هغوی افغانستان کې د پانګونې شرایط او له پانګوالو د اسلامي امارت ملاتړ د خپلې پانګونې اصلي لاملونه بللي دي.

بلخوا سیاسي مرستیال ویلي، حکومت په اقتصادي پیاوړتیا زیات تمرکز کوي او تېرو درېیو کلونو کې یې دې برخه کې زیاتې هڅې شوې دي.

د اسلامي امارت دې لوړ پوړي چارواکي زیاته کړې، افغانستان کې د کار ښه فرصتونه شته او ټول کورني او بهرني پانګوال کولی شي له دې موکې استفاده وکړي.