کاپیسا کې د ګازو ډبې چاودنې ۱۷ تنه ټپیان کړي
د کاپیسا ولایت تګاب ولسوالۍ کې نن سهار د ګازو ډبې چاودنې د مالي زیانونو ترڅنګ ۱۷تنه ټپیان کړي هم دي.
د کاپیسا امنیه قومندانۍ ویاند عبدالفتاح قایز ویلي، د ګازو ډبې تر چاودنې وروسته اورلګېدنه رامنځته شوې، چې د تېلو یو پمپ هم په بشپړه توګه سوځېدلی.
عبدالفتاح فایز ویلي، اورلګېدنه مهار شوې او ټپیان روغتون ته انتقال شوي دي، خو د ځینو ټپیانو روغتیايي وضعیت نازک ښودل شوی.
