هرات کې د هګیو د بسته بندي تولیدي شرکت په فعالیت پیل وکړ
د صنعت او سوداګرۍ وزارت وایي، د هګیو د بسته بندي دغه تولیدي شرکت د هرات ولایت زنده جان ولسوالۍ کې خپل فعالیت پیل کړ.
د حسان پروټین په نوم دې شرکت باندې ۲.۵ میلیونه ډالره پانګونه شوې، چې تر راتلونکو دوو میاشتو پورې به ۱۴۴زره چرګې دې شرکت کې ځای پر ځای کوي.
د یاد شرکت مسئولینو ویلي، په پام کې چې په نږدې راتلونکي کې دې برخه د پانګونې کچه ۵ میلیونه ډالرو ته ورسوي.
