د امریکا عدلیې وزارت ادعا کړې چې د اصف مرچنټ په نوم نیول شوی کس د پاکستان اوسېدونکی دی.

د امریکا عدلیې وزارت په راپور کې راغلي، ۴۶ کلن اصف مرچنټ د ایران حکومت سره هم اړیکي لري.

د امریکا عدلیې وزارت همداراز ادعا کړې، چې نیول شوي کس څه وخت په ایران کې هم تېر کړی او له پاکستان وروسته امریکا ته تللی تر څو هلته د ټرمپ د ترور لپاره یو کس وګماري.

د امریکا لوی څارنوال د اصف مرچنټ د نیولو په تړاو ویلي، عدلیې وزارت تېر یو کال راهېسې هڅه کړې چې د قاسم سلیماني د وژنې په تړاو له امریکايي چارواکو څخه د غچ اخېستلو لپاره د ایرن د بې دریغه هڅو مخه ونیسي.

د یادولو ده، چې د جولای میاشتې په ۱۳مه نېټه یو شل کلن ځوان په یوه ټاکنیز کمپاین کې پر ډونالډ ټرمپ برید وکړ، چې په پایله کې هغه په غوږ ولګېد او ټپي شو.