قطر له افغانستان سره سیاسي او سوداګریزو اړیکو پراختیا ته لېواله دی
د قطر بهرنیو چارو مرستیال وزیر ویلي، هېواد یې له نړېوالو هوايي شرکتونو سره له نږدې کار کوي، څو د یو میکانیزم له مخې خپلې الوتنې افغانستان ته پيل او دوه اړخیزه سوداګري پياوړي کړي.
محمد بن عبدالعزیز الخلیفي د ریاست الوزرا اقتصادي مرستیال ملا عبدالغني برادر سره لېدنه کې ویلي، قطر لېواله دی چې د اسلامي امارت استازو په شتون کې د دوحې راتلونکې غونډه یوې مالومې پایلې ته ورسیږي.
ملا عبدالغني برادر د قطر بهرنیو چارو مرستیال وزیر ته ویلي، له ټولو هېوادونو سره پراخې سیاسي – اقتصادي اړیکې غواړي او د همدې سیاست په غوره کولو سره دوه اړخیز تعامل ته را وړاندې شوي دي.
برادر د اسلامي امارت د استازو له حضور پرته د افغانستان په اړه جوړیدونکې نړېوالې غونډې بې پایلې بللي دي.
د قطر بهرنیو چارو وزارت یاد پلاوي د ملي دفاع وزیر سره هم کتلي او د افغانستان له خلکو سره یې په بېلابېلو برخو کې د دوستانه اړيکو د ټينګښت او لا زياتو همکاريو د دوام ډاډ ورکړی دی.
