له افغانستان سره د ترکمنستان بشري مرستې به د دواړو هېوادونو ترمنځ اړیکې نورې هم پیاوړې کړي
د ترکمستان پلازمېنه عشق اباد کې افغان سفیر فضل محمد صابر د دې هېواد ملي رهبر قربانقلي بردي محمداوف خیریه بنسټ درېیمې کلیزې په مناسبت نړیوال کنفرانس کې ګډون وکړ.
فضل محمد صابر د دې کنفرانس ګډونوالو ته په خبرو کې له افغانستان سره د دې بنسټ له دایمې مرستو مننه کړې.
ښاغلي صابر زیاته کړې، د ترکمنستان دغه نېک اقدامات به د دواړو هېوادونو د سیاسي، اقتصادي، انرژي او ټرانسپورټي اړیکو په برخه کې د پیاوړتیا لامل شي.
نوموړي د دواړو هېوادونو ترمنځ د اړیکو په لاپیاوړتیا ټینګار کړی.
