د سالنګ لویه لاره د ترافیکو پر مخ بیا تړل شوې
د بغلان ولایت امنیه قومندانۍ خبر ورکړی چې نن سهار د سالنګ لویه لاره د واورې د اورښت او سخت طوفان له کبله د موټرو پرمخ تړل شوې.
یادې قومندانۍ له هېوادوالو او موټر چلوونکو چې په دې لاره تګ راتګ لري غوښتنه کړې، چې تر راتلونکي اعلان پورې دې انتظار وکړي.
دا په داسې حال کې ده، چې په هېواد کې د واورو او بارانونو نوې څپې په پیل سره د سالنګ لویې لارې په ګډون د هېواد یو شمېر نورې لارې هم د ترافیکو پر مخ تړل شوې دي.
